Saturday, June 28, 2014

මාගම් සෝලිය

මෙම සටහන කල් ඉකුත් වුවක් ලෙස සමහරෙක්ට දැනිය හැකි වුවත් මාගම් සෝලිය කියවීමට මම මෙතෙක් පමාවීම නිසා මෙලෙස සටහන් තැබේ.එසේම මෙය මාගේ බුද්ධි මට්ටම අනුව ලියන බවත් එයිට එහා ගිය මාගේ බුද්ධියට හසුනොවන යමක් මෙහි තිබිය හැකි බව මා පිළිගන්නා බවත් සඳහන් කරමි.


කැන්ඩි සිටි සෙන්ටර් වෙත යනවිට අදහස තිබුනේ මේ පොතත් යලි උපන් ගැහැනියක් (ශ්යාමෙල් ජයකොඩි) පොතත් යන පොත් දෙකෙන් එකක් ගැනීමටය.නමුත් එහි සිටි වෙළඳ සේවකයන් ශ්යාමෙල් ජයකොඩි නමවත් අසා නොතිබූ බැවින්ද සෑම පොත් කඩයකටම ගොස් බැලුවද සොයාගත නොහැකි වූ බැවින්ද මෙය ගැනීමට සිදුවිය.පොත අතට අරගෙන බලන තෙක් මේ පිලිබඳ කිසිම විචාරයක් කියවා නොතිබුනත් බොහෝ විට ෆේස්බුක් එකේ මෙහි නම අසා තිබුණු නිසා කුමක් දැයි දැනගැනීමට කුහුලක් තිබුනත් පොත අනිත් අතට හරවා බලන විට දයා දිසාසේකර මහතා මෙය පොනෝග්‍රැෆි ගණයට අයත් නවකතාවක් බව සඳහන් කර තිබීම නිසා ශ්‍රී ලාංකිකයෙකු වශයෙන් බොහෝ විට උපතේදී ඇතිවන දුර්වලතාවයක් ලෙස ඇතිවන ලිංගික ඇරියස් හෝ කුහකකම (මේ දෙකින් මොකද්ද හරිම වචනය කියා අදහසක් නැති වුවත් පොනෝ ග්‍රැෆි යයි සඳහන් වීම මෙම පොත ගැනීමට පෙළඹවිය) නිසා මෙම පොත මිලදී ගතිමි.


පළමුවෙන්ම කිව යුත්තේ මෙම පොත මම ආස ඝනයට අයත් නවකතාවක් නොවේ.මම සාමාන්යෙන් සතුටට හෝ විස්මයට පත්වෙන්නේ මිනිස් හැගීම් බහුලව සඳහන් වන පොත් කියවීමෙන්ය.මට දැනෙන පිළිගන්නා දේ තවත් කෙනෙකු අකුරු කර තිබෙනු දකින විට මා සතුටටත් විස්මයටත් පත්වේ.ඒ හැරුණු විට සිදුවූ දෙයට හේතු රහිතව සිදුවීම් පමණක් පෙළගස්වා ඇති පොත් මගේ සිත් නොගනී.කොය්යෝට සහ සුනේත්රාට මම වඩා කැමති මෙම හේතු දෙක නිසා විය හැකිය.මේ සටහන් තබන මොහොතේ හිතට පැමිණි අදහස නම් මා මෙම පොත වෙනුවට ලෝක සහිත්යෙන් පොතක් නොගෙනාවේ මන්ද යන්නයි.කෙසේ හෝ මේ වන විට මා එය කියවා අවසාන බැවින් ඒ පිලිබඳ සටහන් තැබේ.


මෙම කතාවේ එක් එක් පුද්ගලයාට ආරෝපණය කර ඇති අද්භූත මායාකාරී බව ඉවත් කල විට එය සාමාන්‍ය කතාවක් බවට පත්වේ.එසේම නිශ්චිතවම පොත මතකයේ නැති වුවත් මා කියවූ කිසියම් පොතක මෙලෙසම තම දියණිය සහ වාසයට ගන්නා පියෙකු පිලිබඳ කතාවක් මා කියවා ඇති බව මතක් වේ.එම කතාවේ දියණියගේ මව ගොමරි බවත් එය සරදියෙල් ජිවත් වූ කාලයට අනුබද්දිතව ලියවී ඇති බවත් ඔවුන් ගමකට වඩා කැලයක ජිවත් වූ බව සඳහන්ව තිබු බවත් මතකය.මෙයින් මා මෙය මොහාන් රාජ් මඩවල මහතා ලියු කොපියක් ලෙස අදහස් නොකරන අතර Most controversial novel in the recent history යනුවෙන් පොත ඉදිරිපස ඇති මුද්‍රණයට පමණක් නොගැලපෙන බවත් සඳහන් කරමි.කුමන හෝ හේතුවක් මත මෙයට එසේ ලේබල් ඇලවී තිබුනද මෙයට වඩා ලිංගික සිදුවීම් ඇතුලත් සිංහල පොත් මා කියවා ඇත.එම නිසා මෙහි ලිංගික කරුණු කැපී පෙනෙන පොතක් ලෙස මට නොහැඟෙ.


මෙය හුදෙක් මොහාන් රාජ් මඩවල මහතාගේ ෆැන්ටසියක් සන්තර්පණය කරගැනීමක් ලෙස මට දැනෙන අතර
 2012 දෙසැම්බර් සිට 2014 මැයි අටවන මුද්‍රණය දක්වා මුද්‍රණය වීමට මා මේ පොත මිලදී ගැනීමට පෙළඹ වූ හේතුවම සැහෙන කොටසක් පොළඹවා ඇති බවද සිතමි.ඒ හැරුණු විට මෙහි කිසිම විශේෂත්වයක් මා නොදකින අතර එයින් මෙය බාල පොතක් බව නොසැලකේ.මෙම පොත රසවත් භාෂාවකින් ලියවී ඇති අතර මාගේ දැනුමේ මට්ටමට අනුව එය උසස් භාෂාවක් ලෙස පිලිගනිමි.එසේම පොත එක දිගට කියවාගෙන යා හැකි යම් කිසි මායාකාරී බවක් පොතේ ඇත.කුතුහලය උපරිම ලෙස රඳවාගෙන පොත ලිවීමට සමත් වි ඇති අතර සමහර පොත් මුල කියවූ විට අග නිශ්චය කර ගත හැකි වුවත් මෙහි එලෙස නොවේ.


අවසාන වශයෙන් කිව යුතුව ඇත්තේ මෙය කිසිම අකාරයකින් විශේෂ පොතක් නොවන බව මා සිතන බවද එසේ නොවන්නේ නම් මාගේ බුද්ධියට ගෝචර නොවන යමක් මෙහි තිබිය යුතු බවය.තවත් වසර ගණනාවකින් මා මෙය යලිත් කියවිය යුතු අතර සමහර විට අනෙක් අය හට මේ පිලිබඳ මෙතරම් කතා කිරීමට හේතු වූ හේතුව මට සොයා ගත හැකි වනු ඇත.දැන් ඉතින් මේ පිලිබඳ ලියවී ඇති අනිකුත් විචාර කියවා බැලිය යුතු වේ..

ප.ලි- කියන්නට අමතක වූ දෙය නම් මෙම කතාව අටසිය ගණන් වලට කලානුරුපිව ලියා මොහාන් රාජ් මදවල මහතා කර ඇත්තේ බුද්දිමත් ක්‍රියාවකි.මෙය යම් හෙයකින් වර්තමානයට කලානුරුපිව ලියවුනේ නම් මෙයට ධනාත්මකව ලැබී තිබු ප්‍රතිචාර කණපිට ගැසී හඳගමගේ අක්ෂරයට සිදු වූ දෙය මෙයටත් සිදුවන්නට තිබුණි.

6 comments:

  1. මෙහෙමයි මම කියන්නේ යාතාර්ථයට සමානව යන ෆැන්ටසියක් ගොඩ නැගිමෙදි රචකයා පට්ට සාර්ථකයි
    නමුත් කතාවේ හරය අජ පල්

    ReplyDelete
  2. මම කියවපු ඔළුව අවුල් වෙනම පොතද මන්දා බං ඕක..

    ReplyDelete
  3. na anthimeta mohan raj madawalama me potha wiwaranaya kara atha eya kisi sethma samanya kenekuta nothere..ein kiyawenne lankawe samaja arthika deshapapalana wens wemaya.podi uda haranyak denm ara mathakda kiri walinui redee kasi walinun hadans ge kadanna ba kiyanawa anithwa winsa wela e thamath engreesin nisa mona rata pirihunath lankawe thawamath agamai sanskruthiyai kiyana den haduna me samaje engreesinta kadanna barei una kiyana eka.mathakda ara eka lamayek andana kota thawa kenek hina wenawa kiyanne poddak hithala balanna lankawata adare minussuth lankawa winsa weddi eken sathutu wena oni tharam.pirisakuth me lankawema innawa..e okkoma eka ammage e kiyanne lankawe..oya wage godak dewal thiyenawa hithaganna beri kenata sorry thma

    ReplyDelete
    Replies
    1. සමාවෙන්න කමෙන්ට් එක පබ්ලිෂ් කරන්න පරක්කු උනාට..මේ පැත්තේ එවුනෙම නැති හින්දා දැක්කේ අද.ඔබ කියන දේත් වෙන්න පුළුවන්.නමුත් මේකෙන් මොකද්ද කියන්නේ කියා කියා කියවන්න ගියාම පොඩ්ඩක් අප්සට්.නමුත් එක සමාවට කාරණයක් නෙවෙයි.අනිත් එක අර රතු බෝලයක් චිත්රේට අන්දපු ළමයාගේ කතාව වගේ වෙන්නත් පුළුවන්.

      Delete
  4. කියෝපු අප්‍රසන්නම පොත... අපරාදේ යකු සල්ලි කියලා හිතුනේ ඔය පොතට විතරයි ජිවිත කාලෙට ගත්තු පොත් වලින්..

    ReplyDelete