Saturday, June 28, 2014

මාගම් සෝලිය

මෙම සටහන කල් ඉකුත් වුවක් ලෙස සමහරෙක්ට දැනිය හැකි වුවත් මාගම් සෝලිය කියවීමට මම මෙතෙක් පමාවීම නිසා මෙලෙස සටහන් තැබේ.එසේම මෙය මාගේ බුද්ධි මට්ටම අනුව ලියන බවත් එයිට එහා ගිය මාගේ බුද්ධියට හසුනොවන යමක් මෙහි තිබිය හැකි බව මා පිළිගන්නා බවත් සඳහන් කරමි.


කැන්ඩි සිටි සෙන්ටර් වෙත යනවිට අදහස තිබුනේ මේ පොතත් යලි උපන් ගැහැනියක් (ශ්යාමෙල් ජයකොඩි) පොතත් යන පොත් දෙකෙන් එකක් ගැනීමටය.නමුත් එහි සිටි වෙළඳ සේවකයන් ශ්යාමෙල් ජයකොඩි නමවත් අසා නොතිබූ බැවින්ද සෑම පොත් කඩයකටම ගොස් බැලුවද සොයාගත නොහැකි වූ බැවින්ද මෙය ගැනීමට සිදුවිය.පොත අතට අරගෙන බලන තෙක් මේ පිලිබඳ කිසිම විචාරයක් කියවා නොතිබුනත් බොහෝ විට ෆේස්බුක් එකේ මෙහි නම අසා තිබුණු නිසා කුමක් දැයි දැනගැනීමට කුහුලක් තිබුනත් පොත අනිත් අතට හරවා බලන විට දයා දිසාසේකර මහතා මෙය පොනෝග්‍රැෆි ගණයට අයත් නවකතාවක් බව සඳහන් කර තිබීම නිසා ශ්‍රී ලාංකිකයෙකු වශයෙන් බොහෝ විට උපතේදී ඇතිවන දුර්වලතාවයක් ලෙස ඇතිවන ලිංගික ඇරියස් හෝ කුහකකම (මේ දෙකින් මොකද්ද හරිම වචනය කියා අදහසක් නැති වුවත් පොනෝ ග්‍රැෆි යයි සඳහන් වීම මෙම පොත ගැනීමට පෙළඹවිය) නිසා මෙම පොත මිලදී ගතිමි.


පළමුවෙන්ම කිව යුත්තේ මෙම පොත මම ආස ඝනයට අයත් නවකතාවක් නොවේ.මම සාමාන්යෙන් සතුටට හෝ විස්මයට පත්වෙන්නේ මිනිස් හැගීම් බහුලව සඳහන් වන පොත් කියවීමෙන්ය.මට දැනෙන පිළිගන්නා දේ තවත් කෙනෙකු අකුරු කර තිබෙනු දකින විට මා සතුටටත් විස්මයටත් පත්වේ.ඒ හැරුණු විට සිදුවූ දෙයට හේතු රහිතව සිදුවීම් පමණක් පෙළගස්වා ඇති පොත් මගේ සිත් නොගනී.කොය්යෝට සහ සුනේත්රාට මම වඩා කැමති මෙම හේතු දෙක නිසා විය හැකිය.මේ සටහන් තබන මොහොතේ හිතට පැමිණි අදහස නම් මා මෙම පොත වෙනුවට ලෝක සහිත්යෙන් පොතක් නොගෙනාවේ මන්ද යන්නයි.කෙසේ හෝ මේ වන විට මා එය කියවා අවසාන බැවින් ඒ පිලිබඳ සටහන් තැබේ.


මෙම කතාවේ එක් එක් පුද්ගලයාට ආරෝපණය කර ඇති අද්භූත මායාකාරී බව ඉවත් කල විට එය සාමාන්‍ය කතාවක් බවට පත්වේ.එසේම නිශ්චිතවම පොත මතකයේ නැති වුවත් මා කියවූ කිසියම් පොතක මෙලෙසම තම දියණිය සහ වාසයට ගන්නා පියෙකු පිලිබඳ කතාවක් මා කියවා ඇති බව මතක් වේ.එම කතාවේ දියණියගේ මව ගොමරි බවත් එය සරදියෙල් ජිවත් වූ කාලයට අනුබද්දිතව ලියවී ඇති බවත් ඔවුන් ගමකට වඩා කැලයක ජිවත් වූ බව සඳහන්ව තිබු බවත් මතකය.මෙයින් මා මෙය මොහාන් රාජ් මඩවල මහතා ලියු කොපියක් ලෙස අදහස් නොකරන අතර Most controversial novel in the recent history යනුවෙන් පොත ඉදිරිපස ඇති මුද්‍රණයට පමණක් නොගැලපෙන බවත් සඳහන් කරමි.කුමන හෝ හේතුවක් මත මෙයට එසේ ලේබල් ඇලවී තිබුනද මෙයට වඩා ලිංගික සිදුවීම් ඇතුලත් සිංහල පොත් මා කියවා ඇත.එම නිසා මෙහි ලිංගික කරුණු කැපී පෙනෙන පොතක් ලෙස මට නොහැඟෙ.


මෙය හුදෙක් මොහාන් රාජ් මඩවල මහතාගේ ෆැන්ටසියක් සන්තර්පණය කරගැනීමක් ලෙස මට දැනෙන අතර
 2012 දෙසැම්බර් සිට 2014 මැයි අටවන මුද්‍රණය දක්වා මුද්‍රණය වීමට මා මේ පොත මිලදී ගැනීමට පෙළඹ වූ හේතුවම සැහෙන කොටසක් පොළඹවා ඇති බවද සිතමි.ඒ හැරුණු විට මෙහි කිසිම විශේෂත්වයක් මා නොදකින අතර එයින් මෙය බාල පොතක් බව නොසැලකේ.මෙම පොත රසවත් භාෂාවකින් ලියවී ඇති අතර මාගේ දැනුමේ මට්ටමට අනුව එය උසස් භාෂාවක් ලෙස පිලිගනිමි.එසේම පොත එක දිගට කියවාගෙන යා හැකි යම් කිසි මායාකාරී බවක් පොතේ ඇත.කුතුහලය උපරිම ලෙස රඳවාගෙන පොත ලිවීමට සමත් වි ඇති අතර සමහර පොත් මුල කියවූ විට අග නිශ්චය කර ගත හැකි වුවත් මෙහි එලෙස නොවේ.


අවසාන වශයෙන් කිව යුතුව ඇත්තේ මෙය කිසිම අකාරයකින් විශේෂ පොතක් නොවන බව මා සිතන බවද එසේ නොවන්නේ නම් මාගේ බුද්ධියට ගෝචර නොවන යමක් මෙහි තිබිය යුතු බවය.තවත් වසර ගණනාවකින් මා මෙය යලිත් කියවිය යුතු අතර සමහර විට අනෙක් අය හට මේ පිලිබඳ මෙතරම් කතා කිරීමට හේතු වූ හේතුව මට සොයා ගත හැකි වනු ඇත.දැන් ඉතින් මේ පිලිබඳ ලියවී ඇති අනිකුත් විචාර කියවා බැලිය යුතු වේ..

ප.ලි- කියන්නට අමතක වූ දෙය නම් මෙම කතාව අටසිය ගණන් වලට කලානුරුපිව ලියා මොහාන් රාජ් මදවල මහතා කර ඇත්තේ බුද්දිමත් ක්‍රියාවකි.මෙය යම් හෙයකින් වර්තමානයට කලානුරුපිව ලියවුනේ නම් මෙයට ධනාත්මකව ලැබී තිබු ප්‍රතිචාර කණපිට ගැසී හඳගමගේ අක්ෂරයට සිදු වූ දෙය මෙයටත් සිදුවන්නට තිබුණි.

Sunday, June 8, 2014

Deal with the Devil

You made me this way
It won't last until u face it
I stopped writing to you
When you laugh at my letters
I stopped sending you  cards
When I realize it means nothing to you
I stopped making gifts for you
When I got to know you don't even look at them

and then,
I thought to buy you gifts
but you demand it so well
So I decided to stop that too
I started to writing to me
When I realize you don't hear me anymore
I have lots of pictures of kurtars
early days I chose for you
I have Lots of Cads
Which I save for you
But sorry to tell you
You made me this way

So,
Deal with the Devil!


Saturday, June 7, 2014

ගැහැණු ආත්ම සහ පිරිමි ආත්ම

දැනට දශක කියකටද මන්දා කලින් මොන්රෝ කිව්වා හැම කියමනක්ම ස්ටේටස් එකකට එකතු කරලා දාන්න හිතෙනවා.කොච්චර පිරිමි වටේ හිටියත් එකත් තනිවුනු ආත්මයක්..එදා මෙදාතුර ගැහැණු චිත්ත සන්තානය වෙනස් නොවුණු බවට හොඳ සාක්ෂියක්..ගැහැණු ආත්මයකට අවශ්‍ය විදිහ පිරිමි, ඉපදුනු දවසේ ඉඳන් දිනපතා වෙනස් පිරිමි හමුවුනත්, හමුවෙන්නේ නැති බව තේරුම් ගත්තු මගේ සෝල් මෙට් කෙනෙක්...මේකේ අනිත් පැත්තත් මෙහෙමයි කියන්න මේ කතාව කියපු ගමන් පිරිමි කෝටියක් පැනලා එයි..එත් ඉතින් එක මගේ ප්‍රශ්නයක් නෙවෙයි.මේක ලියන්න ගත්තේ මගේ සිතුවිලි ගැන ලියන්න මිසක් මොන්රෝ ගැන ලියන්න නෙවේ උනත් ආදරයක් නැතුව ලෝකේ තනිවුනු ආත්මෙකට කියන්න මොන්රෝ කිව්ව දේවල් වලට වඩා හොඳ දේවල් නැහැ...

මේවා අපි වගේම අසරණ උණු පිරිමි ආත්ම වලට කියලා වැඩක් නැහැ.මොකද කෙනෙක්ට දෙයක් දෙන්න තමන් ළඟ දේවල් තියෙන්න එපැයි..තමන්ට අහිමි වුනු දේවල් හොයා හොයා යන පිරිමි ආත්ම වලට නැවතිලා ගැහැණු ආත්මයක් මොනවද හොයන්නේ කියලා හොයලා බලන්න තරම් කැසිල්ලක් නැහැ.අපි හැමෝටම තමන්ගේ හිත තමා වැදගත්.

මට තාම මම ඉපදුනු එකට හේතුවක් හොයාගන්න බැරි උනා..පෙර කරපු පව් වලට කියන කාරණය අමතක කරොත් මන් වගේ දුප්පත් ආත්මයක් මේ ලෝකෙට එන්න කිසිම හේතුවක් නැහැ.හරියටම කිව්වොත් මෙලොවටත් නැති එලොවටත් නැති ආත්මයක්. ඒ දුප්පත් ආත්මෙට නිවන වගේ උත්කෘෂ්ට මාතෘකා තාම තේරෙන්නේ නැහැ..තේරුම් ගන්න තරම් වෙහෙසෙන්න කැමැත්තකුත් නැහැ..

තමන්ට අහිමි දේවල් දැන් ලැබෙයි කියන බලාපොරොත්තුවෙන් ජිවත් වෙන ගැහැණු ආත්ම සහ පිරිමි ආත්ම හරියටම කැරට් අලේ පස්සේ දුවන අශ්වයෝ ටික වගේ..දුවලා දුවලා හෙම්බත් උනාම නැවතිලා බලනකොට අපි හැමෝම නාකි වෙලා..ඊට කලින් දැන් මේ මොහොතේ කකුල කැඩුණු අශ්වයෙකුට වෙඩි තියන ජොකියෙක් වගේ කවුරුහරි මට වෙඩි තියනවා නං මන් මගේ මුළු ගැහැණු ආත්මෙන්ම ස්තුතිවන්ත වෙනවා...